Donostiako Gero Axular taldea, Quingxu-Txinako Nazioarteko 1. Folklore Jaialdian arrakasta handia lortu ondoren, joan den asteazkenean, urriak 11, gaueko 22: 45ean iritsi zen Loiuko aireportura.
Jaialdiaren arduradunek jakinarazi zutenez, prentsarako antolatutako galan, emanaldi eta desfileen artean, MILIOI bat pertsonak gozatu dute zuzenean jaialdiaz, eta beste askok ere jarraitu ahal izan dute telebista kateetan, besteak beste, Txinako kate nagusian, hainbat emanaldi zuzenean eman baitzituen.
Nabarmentzekoa da, halaber, agertoki handian egin ziren bi galetan 290.000 lagun bertaratu zirela horietako bakoitzean.
Era berean, bi desfile jendetsu eta hainbat emanaldi egin ziren agertoki txikiagoetan, jaialdia gainerako herritarrei hurbiltzeko asmoz.
Guztira 3 desfiletan, aire zabaleko 5 emanalditan eta antzokietako beste 2 emanalditan parte hartu genuen. Horietan guztietan Gerok gure folklore aberatsa erakutsi ahal izan zion txinatar herriari. Emanaldietan gure errepertorio tradizionaleko dantzak egin genituen, hala nola: Agurra, Aurrez-Aurre, Uztai-Dantza, Makil Haundi, Ezpata-Dantza, Bostnako, Txontxongilo, Fandango, Gabota, Godalet...
Musika-tresnei dagokienez, txistua eta danbolina, txalaparta, txirula eta hainbat pandero eraman genituen.
Jantziei dagokienez, Zuberoako 5 jantziez gain, zortzi modelo ezberdin erakutsi ditugu, mutilaren eta neskaren jantzien artean.
Bi prentsaurrekotan parte hartzera eta hainbat komunikabidek elkarrizketatzera gonbidatu gintuzten.
Gero Axularrekin batera, Mexiko, Ekuador, Frantzia, Bulgaria, Georgia, Benin, Filipinak eta Txinako hainbat taldek parte hartu zuten jaialdian.
Atzerriko talde guztiak hotel berean egon ginen, eta joan-etorrietan autobusa partekatu genuen, baita beste hainbat jarduera ere. Hori dela eta, kultura-truke bizia egin ahal izan genuen taldeen artean.
Bestalde, jaialdiaren arduradunek Juan Luis Unzurrunzaga Gero Axularreko zuzendariaren laguntza eskatu zuten. Juan Luis Unzurrunzagak, jaialdietako aholkulari aditu gisa, lehen jaialdi honetan egin ziren antolaketa-bileretan parte hartu zuen, Txinako eta Frantziako arduradunekin batera.
Era berean, amaierako galaren inaugurazioko koreografia sortzeko agindu zitzaion, jaialdian parte hartu zuten artista guztiek interpretatu ahal izan zezaten.
Jaialdi horren arrakastaren ondoren, Txinako beste hiri batzuetara ere jaialdi eredu bera eramatea pentsatzen ari dira antolatzaileak.
Tokiko hedabideetan izandako oihartzunari dagokionez, sare sozialetan argitaratutako guztiaz gain, honako hau izan da:
- Hedabideei albistea jakinarazteko, Donostiako Udalak prentsaurrekoa deitu zuen, eta bertan izan ziren Eneko Goia Donostiako alkatea eta Irene Larraza Etxepare Euskal Institutuko zuzendaria.
- Prentsa idatzian:
- Orrialde bikoitza Diario Vasco egunkarian.
https://www.diariovasco.com/culturas/dantzaris-gero-axular-ikastola-danza-20230925180549-nt.html
https://www.diariovasco.com/culturas/medio-centenar-participaciones-festivales-20230925065253-nt.html - Noticias de Gipuzkoa. https://www.noticiasdegipuzkoa.eus/donostia/2023/09/27/grupo-danzas-gero-axular-llevara-7311197.html
- Hirutxuloko Hitza. https://irutxulo.hitza.eus/2023/09/26/gero-axular-taldekoak-txinan-dantzatuko-dira/
- Orrialde bikoitza Diario Vasco egunkarian.
- Irratian, elkarrizketa bat egin genuen Euskadi Irratian
https://www.eitb.eus/eu/nahieran/irratia/euskadi-irratia/faktoria-magazina/osoa/9317915/ - Telebistan, EITB:
- Erreportaje bat albistegietan.
- Zuzeneko konexio bat Txinatik Egun On programarako. https://www.eitb.eus/es/nahieran/egun-on/egun-on/detalle/2933/212911/
- Itzultzean Biba Zuek programan parte hartzea.
https://www.eitb.eus/eu/nahieran/saioak/biba-zuek/demode-quartet/osoa/7753/222244/
- TVE1en:
- Telenorte albistegietan erreportaje bat.
https://x.com/RTVEPaisVasco/status/1707771767932981718?t=Mj02m282p5HfCdLmWCThVw&s=08
- Telenorte albistegietan erreportaje bat.